Rashid Rahimov: «O'runovning salohiyati «Ufa»ga naf keltirgan bo'lardi»

«Ufa» klubi bosh murabbiyi Rashid Rahimov jamoasining qishki transfer davridagi rejalari bilan o'rtoqlashdi.

— Bir nechta pozitsiyalarni kuchaytirishimiz kerak. Umid qilaman, 4-5 nafar futbolchi bilan shartnoma imzolaymiz. Boz ustiga, 5-6 o'yinchi jamoani tark ketdi, yana ketishi mumkin.

— Rejalaringizda O'runov bormi?
— Rejada ko'pchilik bor. Lekin buning imkoni bormi? O'runovning salohiyati jamoaga naf keltirgan bo'lardi. Qolgani esa ko'p narsalarga bog'liq. Masalan, jamoadagi legionerlar soniga", — dedi Rahimov «Match TV»ga bergan intervyusida.

Eslatib o'tamiz, Oston O'runov 2020 yilning fevral oyidan avgustga qadar «Ufa» safida to'p tepdi. Shundan so'ng u "Spartak" klubiga o'tib ketgan edi.