Sergey Kucherenko: «Oybek Bozorov o'zimizga ham kerak»

Bugun sports.uz internet nashrida jamoamizning mohir o'yinchilaridan biri Oybek Bozorovning Toshkentning «Paxtakor» jamoasiga ehtimoliy transferi haqida xabar chiqqan edi. Biz bu xabarni aniqlashtirish maqsadida klubimiz bosh direktori Sergey Kucherenkodan bu xabar qanchalik haqiqatga yaqinligi haqida so'radik.

«Bu xabar qaerdan chiqqanini bilmadimku lekin bizga «Paxtakor» klubi Oybek Bozorov bo'yicha hech qanday taklif bilan chiqqani yo'q. Yana shuni aytib o'tishim kerakki Bozorov o'zimizga ham kerak. Uning klubimiz bilan o'rtadagi shartnomasi 2022 yili 31 dekabrgacha amal qiladi»- deydi Sergey Kucherenko.