Xarri Keyn jarohat olib, bir necha haftaga safdan chiqdi

«Tottenxem» bosh murabbiyi Joze Mourino «Liverpul»ga qarshi o'yinda jarohat olgan Xarri Keynning ahvoli haqida ma'lumot berdi. Angliyalik futbolchi kechagi bahsning tanaffusida zaxiraga olindi.

«U ikkita to'pig'idan jarohat oldi. Tyago to'pni olib qo'yish paytida u birinchi jarohatni olgan bo'lsa, ikkinchi vaziyatni esa ko'rdim. Uning ikkinchi jarohati birinchisiga nisbatan yomonroq bo'ldi. Bilishimcha, u bir nechta haftaga safdan chiqdi.

Ba'zi o'yinchilarni almashtirib bo'lmaydi. Bo'lar ish bo'ldi, lekin vaziyatdan chiqib keta olishimizga ishonaman», — dedi Mourino.

29 yoshli Keyn joriy mavsumda «Tottenxem» safida barcha musobaqalar doirasida 19ta gol urdi va 14ta golga uzatma berdi.