«Neymar – jahonning eng yaxshi o'yinchisi»

Braziliya terma jamoasi, «Napoli» va «Inter» klublari sobiq hujumchisi Kayo Ribeyro «PSJ» forvardi Neymar haqida o'z fikrini bildirib o'tdi.

«Neymarning xulq-atvoridan barcha rozi bo'lmasa-da, o'ylashimcha, u katta mahorat egasi. U ayni paytda jahonning eng yaxshi o'yinchisi. U Ronaldu va Messiga nisbatan ko'proq to'p bilan muomalada bo'ladi.

Hozirgi avlodning o'yini murabbiyga ko'proq bog'liq. Bu yomon. Bizning davrda esa murabbiy gapirardi, biz esa muhim narsalarni o'zimizga olardik. Murabbiyning fikriga qo'shilmasak, o'z nuqtai nazarimizni aytardik.

Hozir murabbiy va futbolchilar o'rtasida bunday dialog yo'q. O'yinchilarga mas'uliyat etishmaydi, ular murabbiyga qaram», – dedi Kayo.