«Milan» klubi «Inter»ga qarshi o'yinda maydondan chetlatilgan Ibrahimovichni jazolamaydi

«Milan» hujumchisi Zlatan Ibrahimovich Italiya kubogining chorak final bosqichida bo'lib o'tgan «Inter»ga qarshi o'yinda Romelu Lukaku bilan mojaroga borgani uchun klub tomonidan jazoga tortilmaydigan bo'ldi.

"Corriere della Sera" tarqatgan xabarga ko'ra, "rossoneri" rahbariyati vaziyatni o'rganib chiqdi, shvetsiyalik futbolchi bilan uchrashuv o'tkazdi. Yakunda 39 yoshli futbolchini jarimaga tortmaslikka qaror qildi.

Ibrahimovich keyinchalik intervyu berib, Lukakuga nisbatan irqchilik qilmaganini ta'kidladi.