«Yuventus» Shomurodovning jamoadoshi bilan shartnoma imzoladi

Turinning «Yuventus» klubi hamyurtimiz to'p surayotgan «Jenoa»dan o'yinchi sotib olganini ma'lum qildi.

Klub matbuot xizmatining xabar berishicha, «keksa sinora» bugun genuyaliklar vakili Nikolo Rovella bilan shartnoma imzolagan. Futbolchining narxi «zebralar» uchun 10 million evroga tushgan.

Qayd etish kerak, 19 yoshli Nikolo mavsumni hozirgi klubida yakunlab qo'yadi. U joriy mavsum 11 ta uchrashuvda maydonga tushgan.