Kanchelskis "Navbahor"dan bir million dollarga yaqin mablag' talab qilyapti(mi)?

Taniqli futbol mutaxassisi Alisher Nikimbev o'zining telegramdagi kanali orqali tarqatgan ma'lumotga qaraganda, ushbu haftada Andrey Kanchelskisning "Navbahor" jamoasiga qarshi da'vosi borasida FIFAning "Futbolchilar maqomi bo'yicha qo'mita"ning qarori qabul qilinishi kutilmoqda. Ushbu ish bilan tanishgan manbalarning ma'lumotlariga ko'ra, rossiyalik mutaxassis "Navbahor"dan bir million dollarga yaqin mablag' borasida da'vo qilmoqda.

"Navbahor"da o'z pozitsiyasini taqdim qilish uchun noyabro oyining oxirigacha muddat bor edi. Ushbu pozitsiya OAV orqali e'lon qilingan pozitsiyaga o'xshash deb taxmin qilish mumkin: murabbiy spitrli ichimliklar iste'mol qilgan, mashg'ulotlarda besas ishtirok etmagan va hokazolarni ko'rish mumkin.

FIFA qaysi tomonning foydasiga qaror chiqarishi qiziq bo'ladi.