Tuxel: «Agar shunday o'yin ko'rsatishda davom etsak albatta natija keladi»

Londonning «Chelsi» ustozi Tomas Tuxel APL doirasida «Vulverxempton» klubiga qarshi o'yinda qayd etilgan durang haqidagi fikrlari bilan o'rtoqlashdi.

«O'yin menga juda yoqdi, chunki, jamoaning shiddati, munosabati, kuchi va saviyasidan juda xursandman. Biz juda tartibli harakat qildik, maydonning uchdan bir qismida to'pni egallab oldik.

Ikkinchi bo'limda daqiqadan daqiqaga kuchayib boraverdik. Ko'rsatgan o'yinimizdan juda mamnunman. Afsuski, gol kirita olmadik, lekin, agar shunday o'ynashda davom etadigan bo'lsak, u holda natija albatta bo'ladi.

Bu menga Dortmunddagi o'yinimizni biroz eslatib yubordi. Kecha mashg'ulotimiz ajoyib tarzda o'tgandi. Biz sinab ko'rishimiz mumkin bo'lgan 21 nafar futbolchi taktik tarafdan tizimli o'yinni qaerda tezlashtirish kerak, qanday himoyalanish kerakligi borasida yaxshi ishlashgandi. Bitta mashg'ulot va ikkita uchrashuvdan keyin bunday darajada bo'ladi deb o'ylamagandim. Bu menga kelajak uchun yaxshi tuyg'u beradi», – dedi Tuxel.