«Barselona» «Real» tarbiyalanuvchisiga ko'z tikdi

"Barselona" klubi "Chelsi" himoyachisi Markos Alonsoga qiziqish bildirmoqda. Bu haqda "Mundo Deportivo" xabar tarqatdi.

Manbaga ko'ra, "ko'k-anorranglilar" Xunior Firponing o'rniga ispaniyalik futbolchini olib kelishmoqchi.

30 yoshli Alonso "Real" tarbiyalanuvchisi hisoblanadi. U 2016 yildan buyon "Chelsi" sharafini himoya qilib kelmoqda. Joriy mavsumda u barcha musobaqalar doirasidagi atigi 3ta o'yinda maydonga tushdi. Uning londonliklar bilan shartnomasi 2023 yilga qadar tuzilgan.