«Chelsi» xo'jayini iste'foga chiqarilgan murabbiylarga qancha kompensatsiya to'lagan?

«Chelsi» xo'jayini Roman Abramovich jamoa bosh murabbiyi Frenk Lempardni iste'foga chiqardi. Rossiyalik oligarx shu paytgacha bir nechta murabbiylar iste'foga chiqargan va ularga kompensatsiya pulini to'lashga majbur bo'lgan.

"Chelsi" Lempardga qancha pul to'lashi hozircha aniq emas. Angliyalik mutaxassisning yillik maoshi 4 million funtga teng ekanini ta'kidlash lozim. Uning londonliklar bilan shartnomasi 2022 yilning yoziga qadar tuzilgan edi.

"Daily Mail" tarqatgan ma'lumotlarga qaraganda, klub Abramovich davrida iste'foga chiqarilgan murabbiylar uchun jami 107 mln funt (120,2 mln evro) to'lashiga to'g'ri kelagan.

Avvalgi murabbiylarga to'langan kompensatsiya mablag'lari haqida ma'lumot berib o'tamiz.

Klaudio Raneri (2004) — 6 mln funt
Joze Mourino (2007) — 23,1 mln funt (to'liq murabbiylar shtabiga)
Avraam Grant (2008) — 5,2 mln funt.
Luis Felipe Skolari (2009) — 12,6 mln funt.
Karlo Anchelotti (2011) — 6 mln funt.
Andre Villash-Boash (2012) — 12 mln funt.
Roberto di Matteo (2012) — 10,7 mln funt.
Joze Mourino (2015) — 8,3 mln funt.
Antonio Konte (2018) — 26,6 mln funt (to'liq murabbiylar shtabiga)
Frenk Lempard (2021) — ?.