Stefano Pioli: «Italiya kubogi qur'asida «Milan»ga omad kelmadi»

"Milan" ustozi Stefano Pioli Italiya kubogining chorak final bosqichi doirasida "Inter"ga qarshi bo'ladigan o'yin arafasida o'z fikrini bildirib o'tdi.

"Biz uchun Italiya kubogi muhim ahamiyatga ega. A seriya esa boshqa musobaqa. Navbatdagi derbi keyingi oyda bo'lib o'tadi. Ungacha esa bizni muhim uchrashuvlar kutib turibdi. Bugungi o'yinda yaxshi formada chiqishimiz kerak.

Italiya kubogida g'olib chiqishni istaymiz, lekin qur'ada bizga omad kulib boqmadi. To'rning murakkab tomoniga tushganmiz. Ammo, musobaqada g'olib chiqishni istasang, har qanday raqibga qarshi kurashga tayyor bo'lishing kerak", — dedi Pioli "Football Italia" nashriga bergan intervyusida.

Eslatib o'tamiz, "Inter" va "Milan" jamoalari o'rtasidagi o'yin 26 yanvardan 27 yanvarga o'tar kechasi Toshkent vaqti bilan 00:45da boshlanadi. Ushbu juftlik g'olibi yarim finalda "Yuventus" - SPAL juftligi g'olibiga qarshi maydonga tushadi.

Manba: soccernews.ru