Marsyal va Lingard jarohat oldi. Ular «Chelsi» va «Liverpul»ga qarshi o'ynamaydi

«Manchester Yunayted» klubi futbolchilari Jessi Lingard va Antoni Marsyal  yaqin o'rtada jamoaga yordam bera olishmaydi.

Mankuninalar ustozi Ole Gunnar Sulsherning ma'lum qilishicha, ikki futbolchi ham 2-3 haftaga safdan chiqqan.

Shu tariqa, ikki etakchi «Chelsi» (18 fevral) va «Liverpul» (24 fevral) jamoalariga qarshi o'yinlarni o'tkazib yuborishadi.

Eslatib o'tamiz, har ikkisi EChL doirasida «PSJ»ga qarshi kechgan o'yinning (0:2) birinchi bo'limida jarohat olishgandi.