"Andijon" yana bir futbolchi bilan amaldagi shartnomani uzaytirdi

Yangi mavsumga tayyorgarlikni Toshkent shahriga ko'chirgan Otabek G'ulomxo'jaev boshchiligidagi "Andijon" jamoasi o'z futbolchilari bilan shartnomani uzaytirishda davom etmoqda.

Klub rahbariyati avvalroq iqtidorli hujumkor yarim himoyachi Farhod Sohibjonov bilan shartnomani uzaytirganligi haqida xabar berib o'tgandik.

"Burgutlar" rahbariyati yana bir iste'dodli yarim himoyachi Muhammadkarim Toirov bilan amaldagi shartnomani uzaytirdi.

"Andijon" jamoasi tarbiyalanuvchisi sanalgan Toirov shu kungacha yoshlar jamoasida o'ynab kelgan va o'tgan mavsumning oxirgi uchrashuvlarida asosiy tarkibda maydonga tushgan.

Uning "Andijon" jamoasi bilan amaldagi shartnomasi 2021 yilning 1 dekabrigacha amal qilardi. Yangi shartnoma qancha muddatga tuzilganligi haqida klub matbuot xizmati ma'lumot tarqatmagan.