Serxi Roberto maydonga qaytishga tayyor

«Barselona» himoyachisi Serxi Roberto jarohatidan tiklanishda davom etmoqda. 28 yoshli futbolchi 21 noyabr kuni bo'lib o'tgan "Atletiko"ga qarshi o'yinda oyog'ining son qismidan jarohat olgan edi. Shundan beri u maydondan tashqarida qolmoqda.

Roberto jamoa mashg'ulotlarida o'zini yaxshi his qilsa, 31 yanvar kuni bo'lib o'tadigan Bilbaoning «Atletik» klubiga qarshi o'yinda ishtirok etishi mumkin.

Klub bosh murabbiyi Ronald Kuman uning maydonga qaytishini kutmoqda. Chunki, "Barsa" qanot himoyachisi Serjino Dest hozirda jarohat olgan.