Mourino: «Beyl «Tottenxem» safida maydonga tushish uchun haqli bo'lishi kerak»

"Tottenxem" hujumchisi Garet Beyl o'z jamoasi safida o'z imkoniyatlarini to'liq namoyish eta olmayapti. Eslatib o'tamiz, uelslik futbolchi "Real"dan bir yilga ijaraga olingan.

"Men biror o'yinchiga shunchaki o'yin amaliyoti bermayman. Beyl qanday qiyinchiliklarga duch kelganini bilamiz, u safimizga jarohat bilan kelganidan xabarimiz bor. Barcha narsani mayda narsalar hal qilyapti. U bosqichma-bosqich oldinga intilishi, ko'p shug'ullanishi va maydonda ko'p yugurishga tayyor bo'lishi kerak. Beyl maydonga tushishga haqli ekanini isbotlashi lozim. Men unga shunchaki o'yin amaliyotini bermayman. Hamma gap shunda. Ko'ramiz, uning organizmi bu yuklamalarni qay tariqa ko'tara olar ekan", — dedi "shporlar" bosh murabbiyi Joze Mourino.

Eslatib o'tamiz, Garet "Tottenxem"ga o'tganidan buyon 10ta o'yinda maydonga tushib, ikkita gol urdi va bitta golga uzatma berdi.

Manba: ua-football.com