Rashid G'ofurov: «Shogirdlarimning g'alabaga bo'lgan xohishi yuqori bo'ldi»

«Hokim Kubogi»ning 1-turidan o'rin olgan «Bunyodkor» - «Navbahor farm» (0:0) uchrashuvidan keyin «lochinlar» ustozi Rashid G'ofurovning fikrlari bilan qiziqdik.

- Bugun men kutganimdanda yaxshiroq o'yin o'tkazdik. Biz «Bunyodkor»ga qarshi bahsga munosib tayyorgarlik ko'rgandik. Chunki «qaldirg'ochlar» yaxshi raqib. Shogirdlarim ishonch bilan to'p surishdi. G'alaba qozonishimiz ham mumkin edi. Zero, darvozani ishg'ol qilish bo'yicha bizda ko'proq vaziyatlar bo'ldi.

Futbolchilarim bugun shunday shijoat, ishtiyoq va g'alaba xohishi bilan to'p surgani raqib «Bunyodkor» ekanligi bilan bog'liq emas. Shunchaki, musobaqaga tayyorgarligimiz a'lo darajada bo'lgandi. Qolaversa,jamoaviy o'yin borasida ham ijobiy tomonlarimizni ko'rsata oldik. Aslida asosiysi ham shu. O'ylaymanki, qolgan bahslarda ham shunday o'yin namoyish qilamiz.