Falkaoga MLSdan takliflar bor

Kolumbiyalik forvard, hozirda Turkiyaning «Galatasaray» klubida to'p surayotgan Radamel Falkao xizmatlariga AQShning bir qator nomdor jamoalari qiziqish bildirmoqda.

AS ma'lumotiga ko'ra, 34 yoshli futbolchi qishda jamoani tark etishga yaqin. Buni «Galatasaray» prezidenti Mustafa Jengiz ta'kidlab o'tdi. U klubga manfaatli taklif tushadigan bo'lsa Radamelni qo'yib yuborishiga tayyor ekanligini yashirmadi.

Hozircha Falkao xizmatlariga MLSning «Neshvill» hamda "Portlend Timbers" jamoalari qiziqmoqda.

Hozirda futbolchi turk klubida yiliga 5 million evro maosh oladi. U joriy mavsum jamoasi safida 16 ta o'yinda maydonga tushib raqiblari darvozasini 10 marta ishg'ol qilgan.