OChL-2021 guruh bosqichida 40ta jamoa ishtirok etadi

Osiyo chempionlar ligasi musobaqasi yangi bosqichga qadam tashlamoqda. Joriy mavsumdan boshlab guruh bosqichida 40ta klub ishtirok etadigan bo'ldi. An'anaga ko'ra, OFK Sharqiy va G'arbiy Osiyoga teng miqdorda o'rin ajratdi — 20tadan.

Har bir mintaqada 5tadan, jami 10ta guruh tashkil etiladi. Guruh g'oliblari keyingi bosqichga yo'l oladi. Har bir mintaqada ikkinchi o'rinni egallagan jamoalar orasida eng yaxshi reytingga ega bo'lgan 3tadan klub nimchorak finalga chiqadi.

Guruh bosqichiga qur'a tashlash marosimi 27 yanvar kuni bo'lib o'tadi. OFK qur'a oldidan jamoalarni savatchalarga ajratdi.

G'arb mintaqasi (A-E guruhlar)
 1-savatcha:

"Duhayl" (Qatar)
"Al-Hilol" (Saudiya Arabistoni)
"Persepolis" (Eron)
"Sharja" (BAA)
"As-Sadd" (Qatar);

2-savatcha:

"An-Nassr" (Saudiya Arabistoni)
"Traktor" (Eron)
"Shabab Al-Ahli" (BAA)
"Ar-Rayyan" (Qatar)
"Al-Ahli" (Saudiya Arabistoni)

3-savatcha:

"Paxtakor" (O'zbekiston)
"Vihdat" (Iordaniya)
"Goa" (Hindiston)
"Istiklol" (Tojikiston)
"Istiqlol" (Eron)

4-savatcha:

"Ash-Shorta" (Iroq)
"Al-G'arafa" (Qatar) - AGMK (O'zbekiston) uchrashuvi g'olibi
"Al-Vihda" (Saudiya Arabistoni) - "Al-Quva al-Javiya" (Iroq) uchrashuvi g'olibi
"Fulad" (Eron) - "Al-Ayn" (BAA) uchrashuvi g'olibi
"Al-Vahda" (BAA) - "Az-Zavra" (Iroq) uchrashuvi g'olibi

Bir mamlakat vakillari bir guruhdan o'rin olmaydi.

Guruh bosqichi G'arb mintaqasida 14-30 aprel kunlari, Sharq mintaqasida esa  21 aprel - 7 may markazlashgan holda o'tkaziladi.

Pley-off bosqichi o'yinlari taqvimi quyidagicha ko'rinish oldi:

Nimchorak final (bitta o'yin) — 13-14 sentyabr (G'arb) va 14-15 sentyabr (Sharq);

Chorak final (bitta o'yin) — 27-28 sentyabr (G'arb) va 28-29 sentyabr (Sharq);

Yarim final (ikkita o'yin) — 19 va 26 oktyabr (G'arb), 20 va 27 oktyabr (Sharq);

Final (ikkita o'yin) — 21 va 27 noyabr.