"Arsenal" sobiq futbolchisi: «Hech qachon Chempionshipda o'ynayman deb o'ylamagandim»

Londonning «Arsenal» sobiq futbolchisi Jek Uilsher Chempionship vakili «Bornmut» jamoasiga ko'chib o'tganligi haqida fikr bildirdi.

«Bu mening Chempionshiplagi birinchi ishtirokim bo'ladi. Agar mendan avvallari bu chempionatda to'p surishim haqida so'rashganida salbiy javob qaytargan bo'lardim. Bu haqda hech qachon o'ylamaganman.

Ayni paytda bor e'tiborimni jamoamni Premer-ligaga qaytishiga yordam berishga qaratganman. Jamoaga qandaydir yordam olib kelishim kerak», - dedi 29 yoshli futbolchi Goal portali bilan suhbatda.