OChL guruh bosqichiga chiqish masalasi "Al Garafa" - AGMK uchrashuvida hal etiladi

OFK yangi 2021 yilgi mavsum uchun OChL va OFK kubogi musobaqalariga 27 yanvar kuni qur'a tashlaydi.

AGMK OChL guruh bosqichiga chiqish uchun saralash bosqichida ishtirok etmaydi. Jamoamiz pley-off o'yini orqali Qatarning "Al Garafa" klubi bilan o'zaro bahsda guruh bosqichiga chiqish masalasini hal etadi. O'yin 7 aprel kuni Qatarning Doha shahrida bo'lib o'tadi. OChL guruh bosqichiga tashlanadigan qur'ada jamoamiz va "Al Garafa" juftligi g'olibi to'rtinchi savatchadan o'rin olgan.

Mazkur o'yinda g'alaba AGMKga OChL guruh bosqichiga ishtirok etish huquqini beradi. Aksincha, pley-offdan o'tilmagan taqdirda jamoamiz xalqaro musobaqadagi ishtirokini OFK kubogi orqali davom ettiradi.

Unda vakillarimiz qur'ada birinchi savatchadan o'rin olishadi. Markaziy hududda vakillarimiz Tojikiston, Turkmaniston va Qirg'iziston jamoalari bilan bir guruhdan o'rin oladi.

27 yanvar kuni Toshkent vaqti bilan soat 11:30da OFK kubogi va 13:30da esa OChL guruh bosqichiga qur'a tashlash marosimi onlayn tarzda o'tkaziladi.