Aziz G'aniev jamoasi bilan birga BAA Superkubogi sohibiga aylandi (video)

Kecha O'zbekiston milliy terma jamoasining ikki a'zosi Otabek Shukurov hamda Aziz G'aniev to'p surayotgan jamoalar BAA Superkubogida o'zaro bahs olib bordi.

"Shabab al-Ahli" yarim himoyachisi Aziz G'aniev uchrashuvdagi yagona golga assistentlik qildi. Bahsning 90+5-daqiqasida qanotda belgilangan jarima to'pini o'zbekistonlik futbolchi "Sharja" darvozasi yaqiniga etkazdi. Marzuq esa bosh bilan darvozani ishg'ol qildi.

Natijada "Shabab al-Ahli" vakillari g'alabani ilib ketishdi va Superkubokni qo'lga kiritishdi.

Shukurov va G'aniev o'yinda to'liq harakat qilishdi.

BAA superkubogi.
"ShARJA" - "ShABAB AL-AHLI" - 0:1 (0:0)
Gol: Marzuq (90+5, assist — G'aniev)