Mbappe Madrid orzusidan voz kechmagan

«PSJ» hujumchisi Kilian Mbappe o'z kelajagi borasida hali bir qarorga kelolganicha yo'q.

ESPN xabariga ko'ra 22 yoshli frantsuz bir kun kelib «Real» yoki «Liverpul» kabi grand jamoalarga borib qo'shilishiga ishonmoqda. U buni Leonardoga ham bir necha marta aytib ko'rdi.

Biroq Kilian pandemiya sababli kuchli jamoalar uni xarid qilolmasliklarini ham anglab turibdi. Shuning uchun u hozirgi sport formasini yanada kuchaytirishi zarurligi va Pochettino bilan munosabatlarini yomonlashtirmasligi kerakligini yaxshi biladi.

Eslatib o'tamiz, Mbappening Parij klubi bilan amaldagi shartnomasi kelasi yil yoziga qadar mo'ljallangan.