APLning bir emas to'rt giganti «bolg'achilar» futbolchisi uchun kurashadi

22 yoshli britaniyalikka dastavval «Chelsi» da'vogarlik qilayotgan edi. Endi esa bu kurashga «MYu», «Liverpul» va «Man Siti» ham qo'shildi.

«Vest Hem» asosiy yulduzi orqali qariyb 90 million evro ishlab olmoqchi edi. Ammo, hozir koronavirus pandemiyasi tufayli yuzaga kelgan moliyaviy inqiroz tufayli Rays narxi 50-55 million evroga tushishi mumkin.

Raysning o'zi ko'p hollarda «Vest Hem» da markaziy himoyachi sifatida emas, himoyaviy yarim himoyachi sifatida o'ynashni ma'qul ko'radi. Shu sababli u yangi jamoada shunday imkoniyat bo'lgan variantni tanlashga e'tibor qaratadi.

Ma'lumot uchun, britaniyalik himoyachi joriy mavsum 19 uchrashuvda maydonga tushib, 1 golli uzatmani amalga oshirgan.