«Arsenal» tajribali darvozabon bilan tarkibini kuchaytirdi

Mikel Artetaning shaxsan o'zi Metyu Rayan bilan shartnoma imzolash orqali darvozabonlar o'rtasida raqobatni kuchaytirishga qaror qilgan. «Brayton» klubidan ko'chib o'tgan posbon ushbu mavsum oxirigacha «to'pchilar» safida, ijarada o'ynaydi.

Ma'lumot uchun, «Bryugge», «Valensiya» va «Genk» klublarida to'p surgan 28 yoshli darvozabon joriy mavsum, eski jamoasi bilan 11 ta o'yinda maydonga tushib, 19 gol o'tkazib yuborgan va 2 uchrashuvda o'z darvozasi dahlsizligini saqlab qolgan.