Shomurodov «Yuventus»ga o'tadimi? «Jenoa» prezidenti javob berdi

«Jenoa» prezidenti Enriko Pretsiozi jamoa hujumchilari Janluka Skamakka va Eldor Shomurodovning kelajagi borasida o'z fikrini bildirib o'tdi. Eslatib o'tamiz, mazkur futbolchilarga "Yuventus" qiziqayotgani haqida xabarlar paydo bo'lgan edi.

"Odamlar Skamakka haqida ko'p gapirishayotganidan xursandman. U jamoamizda qoladi. U klubimizda bo'lsa, boshqa hujumchi qidirish haqida o'ylamayman.

Men Shomurodovni ham jamoada olib qolmoqchiman. U «Jenoa»ga yaqinda keldi. Boz ustiga, «Yuventus» Eldorni so'ramadi. Jamoamizning musobaqa jadvalida holatidan kelib chiqib aytadigan bo'lsam, hozir kimnidir sotish haqida o'ylamaymiz", — dedi Pretsiozi.