BREAKING! Andrey Miklyaev «Surxon» jamoasining bosh murabbiyi

Bugun «Surxon» futbol klubida navbatdan tashqari yig'ilish bo'lib o'tdi.

Klub vitse-prezidenti Bahrom Mamatkulov Termizda «Surxon» sport majmuasida olib borilayotgan ishlarga rahbarlik qilayotganligi sababli, yig'ilishni «Surxon» futbol klubi ma'muriyat rahbari Ikrom Ibragimov va yordamchi murabbiy Grigoriy Tseytlin Semyonovich olib bordilar. Yig'ilishda jamoaning barcha a'zolari ishtirok etdilar.

Bugungi qadar, jamoaning vaqtinchalik bosh murabbiyi vazifasini bajarib kelgan Anvar Soliev, yana klubning sport direktori lavozimiga o'tkazildi.

Klub mutasadillari bir necha kun davomida bir qator murabbiylar nomzodlarini ko'rib chiqdilar.

Yakunda, barchamizga yaxshi tanish, asli kelib chiqishi Surxordaryolik bo'lgan, 2016-2018 mavsumni Toshkentning «Lokomotiv» jamoasida bosh murabbiy va yordamchi murabbiy lavozimlarida faoliyat yuritgan, «PRO» murabbiylik litsenziyasiga ega, Andrey Miklyaev «Surxon» jamoasining bosh murabbiyi etib tayinlandi.

Murabbiy oldiga ulkan vazifalar qo'yildi. Xususan, yaxshi jamoa shakllantirib, Surxondaryolik futbolchilarga ham ko'proq e'tibor qaratib, imkon qadar ularni ham jamoaga jalb qilish kerakligi ta'kidlandi.

Biz ishonamizki, murabbiy o'ziga bildirilgan ishonchni albatta oqlaydi va Surxondaryo futboli rivoji yo'lida o'z hissani qo'shadi.

Shuningdek, «Surxon» futbol klubi O'zbekiston futbol assotsiatsiyasi va O'zbekiston Professional futbol ligasi tomonidan chiqarilayotgan har bir qarorni hurmat qiladi!

«Surxon» PFK matbuot xizmati