Ueyn Runi: «MYu» APLda g'olib chiqadi»

«Derbi Kaunti» bosh murabbiyi Ueyn Runi «Manchester Yunayted»ning Angliya premer-ligasida g'olib chiqish imkoniyati haqida gapirdi.

«So'nggi yillarda «MYu» sovrin uchun kurashishga qodir emas edi. Ammo Kavani, Fernandesh kabi g'oliblik ruhiyatiga ega bo'lgan futbolchilar kelganidan keyin ko'p narsa o'zgardi. Hozir jamoa APL g'olibligi uchun kurashmoqda.

Olti hafta ilgari men hamkasblarimga «MYu» chempionatda g'olib chiqishini aytgandim. Hozir ham shu fikrdaman.

Pogba esa bunda sezilarli rolni o'ynaydi. Yangi o'yinchilar undagi bosimning bir qismini olishadi. Natijada u maydonda bor mahoratini ko'rsata oladi», – dedi Runi.