Janubiy Amerikaning 4 davlati JCh-2010 o'tkazishga birgalikda ariza topshirmoqchi

KONMEBOL mintaqasining 4ta mamlakati — Argentina, Urugvay, Chili va Paragvay 2030 yilgi jahon chempionati mezbonligi uchun qo'shma ariza topshirishga qaror qilishdi.

Chili prezidenti Sebastyan Pinera bayonot berib, JCh-2030ni Argentina, Urugvay va Paragvay bilan birgalikda qabul qilishga tayyor ekanini ta'kidladi.

«Bir necha oy avval men Argentina, Urugvay va Paragvay prezidentlariga JCh mezbonligi uchun arizaga Chilini qo'shish taklifini berdim. Bizning taklifimiz mazkur 3ta mamlakat va Chili futbol federatsiyasi tomonidan qabul qilindi.

Qo'shma mezbonlik Urugvayda o'tkazilgan dastlabki Mundialning 100 yilligiga bag'ishlanishi mumkin», — dedi Pinera.

Eslatib o'tamiz, 1962 yilda Jahon chempionati Chilida o'tkazilgan.

Shuningdek, JCh-2030ni Bolgariya, Serbiya, Gretsiya va Ruminiya birgalikda qabul qilishni istayotgani haqida xabarlar tarqalgandi. Bundan tashqari, musobaqa mezbonligiga Ispaniya ham da'vogarlik qilayotgan bo'lsa, Buyuk Britaniya Irlandiya bilan birgalikda ariza topshirishi mumkin.