Kubok bahsi arafasida «Real»ning asosiy himoyachisi safdan chiqdi

"Real" bugun Ispaniya kubogi 3-bosqichi doirasida "Alkoyyano"ga qarshi maydonga tushadi. Mazkur o'yin arafasida jamoa himoyachisi Nacho Fernandes qaydnomadan chiqarildi.

Klub rasmiy sayti tarqatgan xabarga ko'ra, futbolchi koronavirusga chalingan bemor bilan muloqotda bo'lgan. Himoyachi topshirgan dastlabki test manfiy natija berdi. U takroriy tekshiruv natijasini kutishi kerak.

Nacho joriy mavsumda 10ta o'yinda maydonga tushdi.