Kuman Kubok bahsi haqida: «Sun'iy maydondagi o'yin — bu futbol emas»

"Barselona" bosh murabbiyi Ronald Kuman Ispaniya kubogining 3-bosqichidan o'rin olgan "Kornelya"ga qarshi o'yin sun'iy qoplamali maydonda bo'lishiga e'tiroz bildirdi.

"Shaxsan men uchun sun'iy qoplamali maydondagi o'yin — bu futbol emas. Raqibini bunday maydonda qabul qiladigan jamoalar yaqqol ustunlikka ega bo'lishadi. Ular bunday maydonda o'ynashga ko'nikma hosil qilishgan", — dedi Kuman.

Ma'lumot o'rnida. "Kornelya" klubi Ispaniya kubogining avvalgi bosqichini o'z uyida "Atletiko"ga qarshi o'tkazib, 1:0 hisobida g'alaba qozongan edi.

Eslatib o'tamiz, "Kornelya" — "Barselona" uchrashuvi 21 yanvar, payshanba kuni bo'lib o'tadi.