«Paxtakor» Ukrainada o'ynayotgan o'z tarbiyalanuvuchisi bilan shartnoma imzoladi

«Paxtakor» tarbiyalanuvchisi sanalgan himoyachi Marlen Chobanov "Sherlar" safini to'ldirdi.

20 yoshga to'lgan himoyachi "Paxtakor" futbol maktabi tarbiyalanuvchisi sanaladi. Keyinchalik Ukraina klublarida futbol bilan shug'ullanishni davom ettirgan Marlen 2017 yildan boshlab Kievning "Obolon" jamoasi sharafini himoya qilgan. O'tgan yilning ikkinchi yarmidan boshlab mashg'ulotlarda ishtirok etgan Chobanov bilan ikki yillik kelishuvga erishildi. U jamoa safiga erkin agent sifatida kelib qo'shildi.