Messiga nisbatan diskvalifikatsiya jazosi e'lon qilindi

Ispaniya superkubogi finalida chetlatilgan «Barselona» sardori Lionel Messiga nisbatan jazo chorasi e'lon qilindi. "Marca" tarqatgan xabarga ko'ra, argentinalik futbolchi 2ta o'yinga chetlatildi.

Shu tariqa, Messi Ispaniya kubogining 1/16 final bosqichidan o'rin olgan «Kornelya»ga qarshi o'yin va La Liganing 20-turi doirasidagi «Elche»ga qarshi bahsni o'tkazib yuboradi. U 31 yanvar kuni bo'lib o'tadigan Bilbaoga qarshi uchrashuvda maydonga qaytadi.