The Sun: «Dele Alli yana Pochettino bilan birga ishlashga ishonadi»

"Tottenxem" futbolchisi Dele Alli «PSJ» klubiga ko'chib o'tish niyatida ekanligini yashirib o'tirmadi. U tez orada «shporlar» sobiq bosh murabbiyining yangi jamoasi tarkibiga qo'shilishi uchun «Tottenxem» bilan kelisha olishiga ishonadi.

Maurisio Pochettinoning Alli bilan aloqasi yaxshi va bu transfer katta ehtimol bilan amalga oshishi mumkin. Shuningdek, Pochettino kelayotgan yozda yana bir sobiq shogirdi Ugo Lorisni ham o'z jamoasi safiga qo'shib olishi mumkinligi haqida xabarlar tarqalgan edi.