Rasman: «Mash'al» ikki nafar legioner bilan shartnoma imzoladi

Yangi mavsumga jiddiy tayyorgarlik ko'rayotgan Muborakning “Mash'al” jamoasi o'z tarkibni kuchaytirish maqsadida Nigeriya fuqarolari bo'lgan ikki futbolchini o'z safiga qo'shib oldi.

Nigeriyalik xujumchi Samuel Ononivu 1997 yil 10 fevralda Nigeriyaning Kano shahrida tavallud topgan. Samuel Nigeriya terma jamoasida va Mavrikiy davlatining Superliga klublari "Silvester" va "Bolton Siti" jamoalarida to'p surgan. Mazkur futbolchi bilan “Mash'al” jamoasi uch yillik bitimni imzoladi.

Shuningdek, 1999 yil 12 sentyabrda Nigeriyaning Lagos shahrida tavallud topgan yarim himoyachi Ukeme Uilyams ham endilikda jamoamiz vakili. Uilyams Nigeriyaning «Bendel Inshurens» , «El-Kanemi Varriors», «Vikki Turists» va «Akva Yunayted» jamoalarida to'p surgan. 22 yoshli futbolchi “gazchilar” bilan uch yillik shartnoma imzoladi. Endilikda bu legionerlar “Mash'al” sharafini himoya qilishadi.

Manba: fcmashal.uz