«Milan» so'nggi 17 yil ichidagi eng yaxshi mavsum startini qayd etdi. O'shanda jamoa chempion bo'lgandi

«Milan» A Seriya 18-turi doirasida 18 yanvar kuni kechgan bahsda «Kalyari»ni mag'lubiyatga uchratdi (2:0).

Stefano Pioli qo'l ostidagi jamoa 18 o'yindan keyin 43 ochko jamg'argan holda A Seriyada peshqadam bo'lib turibdi va keyingi o'rindagi «Inter»ni uch ochkoga ortda qoldirmoqda.

18 turda 43 ochko — bu «Milan» uchun 2003/04 yilgi mavsumdan keyingi eng yaxshi natija hisoblanadi.

O'shanda milanliklar 45 ochko to'plagandi. Chempionat yakunida esa 82 ochko bilan chempionlikni qo'lga kiritgandi.