Sergey Yuran O'runov haqida aytgan so'zlariga 20 yanvar kuni tushuntirish beradi

20 yanvar kuni Rossiya futbol ittifoqi Etika qo'mitasining yig'ilishi bo'lib o'tadi. Unda "SKA-Xabarovsk" bosh murabbiyi Sergey Yuranning ishi ko'rib chiqiladi. Eslatib o'tamiz, rossiyalik mutaxassis "Spartak" yarim himoyachisi Oston O'runovni aslida 4-5 yosh katta ekani haqida fikr bildirgan edi.

Keyinroq esa O'zbekiston futbol assotsiatsiyasi rasmiy bayonot berib, Yurandan kechirim so'rashni talab qildi hamda RFI Etika qo'mitasi ushbu masalani ko'rib chiqishini so'ragan edi.

"Sergey Yuranning ishi 20 yanvar kuni videorejimda ko'rib chiqiladi. Yakuniy qaror esa 3 kun davomida qabul qilinadi va RFI rasmiy sayti orqali e'lon qilinadi", — dedi Etika qo'mitasi boshlig'i Sergey Andreev.