«Milan» o'z himoyachisini sotib olish sharti bilan ijaraga beradi

26 yoshli italiyalik futbolchi «Parma» safida mavsum oxirigacha ijarada o'ynaydi va yangi mavsum boshida 7 million evro miqdoridagi bonuslar bilan himoyachini sotib oladi.

Sky Sport italia jurnalisti Janluka Di Martsioning xabar berishicha, Kontining transferi ertaga, 19 yanvar kuni hal etilishi kutilmoqda. Manbada aytilishicha, Parma futbolchi bilan 4,5 yillik shartnoma borasida kelishib olgan.

Ma'lumot uchun, Konti ushbu mavsum A seriyada ikkita o'yin o'tkazgan.

Eslatib o'tamiz, oldinroq xorvatiyalik hujumchi Mario Mandjukich ham Milanga ko'chib o'tishi ma'lum bo'lgan edi.