"MYu" himoyachisi: "Yo'qdan ko'ra, bir ochko yaxshiroq"

«Manchester Yunayted» qanot himoyachisi Lyuk Shou «Liverpul» (0:0) bilan o'yinda qayd etilgan natijadan norozi ekanligini yashirmadi.

«Agar bizning kiyinish xonamizga kirsangiz, u holda hech kimning durangdan qoniqqanini ko'rmaysiz. O'yinning katta qismida biz to'pni nazorat qildik, ammo g'alaba qozonishimiz mumkinligini his qildik. «Liverpul»da ham vaziyatlar bo'ldi, lekin ularning vaziyatlari biznikichalik xavfli ko'rinish olmadi.

Albatta, yo'qdan ko'ra bir ochko yaxshiroq. Muxlislarsiz o'ynash qiyin bo'lmoqda, lekin bunga ko'nikishimiz kerak. Yaqin vaqtlar ichida muxlislar stadionga qaytmaydigandek hissiyot bor. Biz professional futbolchilarmiz va bunga moslashishimiz kerak», - dedi Shou.