"Inter" o'z logotipini o'zgartirishga qaror qildi, maqsad - pul topish

Milanning "Inter" klubi shu yilning mart oyida o'z logotipini o'zgartirish uchun "I am Milano" kampaniyasini boshlaydi. Bu haqda Tuttosport nashri xabar bermoqda.

"Neradzurrilar"ning amaldagi logotipi 1908 yilda rassom Jorjio Mujiani tomonidan ishlab chiqilgan hisoblanadi.

Ma'lumotlarga qaraganda, bu tashabbusdan tijoriy maqsadlar ko'zlangan bo'lib, undagi asosiy vazifa - yangi homiylarni jalb qilishga qaratilgan.

Ma'lumot uchun, 2020/2021 yilgi mavsum yakunida "Inter" hamda "Pirelli" kompaniyasi o'rtasidagi shartnoma yakunlanadi.