Maguayr: «Agar boshqa kun bo'lganida g'alaba qozonardik»

«Manchester Yunayted» himoyachisi Xarri Maguayr 19-tur doirasida «Liverpul» (0:0) klubi bilan qayd etilgan durang haqida fikr bildirdi.

«Ular o'yinni bizga qaraganda yaxshiroq boshlashdi, lekin biz ikkinchi bo'limda ancha kuchaydik. Bizning yaratgan vaziyatlarda xavfliroq edi, agar boshqa kun bo'lganida aniq yutgan bo'lardik.

Ko'pchilik «Liverpul» o'zining markaziy himoyachilaridan ayrildi demoqda, lekin o'sha jarohatlardan keyin ularning himoyadagi statistikasi ajoyib ko'rinishda. Ularning ko'plab variantlari bor.

G'alaba qozonishni xohlagandik. Uch ochkoni qo'lga kiritish niyatidaligimizni ikkinchi bo'limdagi o'yinmizdan ko'rish mumkin edi. Biroz xafamiz», – dedi Maguayr.