Keyn: "Chempion bo'lishni xohlasak mana shu ruhda davom etishimiz kerak"

Londonning «Tottenxem» hujumchisi Garri Keyn APL doirasida «Sheffild Yunayted» (3:1) ustidan qo'lga kiritilgan g'alaba haqidagi fikrlari bilan o'rtoqlashdi.

«O'yinni boshidanoq yaxshi pressing bilan boshladik va ajoyib gol kiritdik. Bugun ajoyib o'yin namoyish etamiz.

Gol kiritganimizdan keyinoq doim gol o'tkazib yuborayotgandik, lekin bugun bu hodisa ro'y bermadi, jamoamiz baxtiyor. Agar chempionlik uchun kurashishni xohlaydigan bo'lsak, mana shu ruhda davom etishimiz kerak. Keyingi o'yinga tayyorgarlik ko'rishni boshlaymiz», - dedi Keyn BBC bilan suhbatda.

«Tottenxem» bugungi g'alabadan keyin turnir jadvalining to'rtinchi pog'onasiga ko'tarilib oldi.