Mandjukich Italiya klubi bilan yarim yillik shartnoma imzolashga yaqin

Xorvatiyalik forvard Mario Mandjukich yaqin orada «Milan» bilan shartnoma imzolashi kutilmoqda. Bu haqda jurnalist Nikolo Skira o'zining tvitter sahifasida xabar bermoqda.

Manbaga ko'ra, 34 yoshli xorvatiyalik «rossionerilar» bilan yarim yillik shartnoma borasida kelishib olgan. «Milan» vakillari endi futbolchining agenti tomonidan kelishuvning tasdiqlanishini kutishmoqda. 

Ma'lumot uchun, Mandjukich o'tgan yozda Qatarning «Al Duhail» klubi bilan tuzilgan shartnomasini bekor qilganidan keyin erkin agent maqomida.