Platini Messi va Ronalduni taqqosladi

"Yuventus" klubi sobiq futbolchisi va UEFAning sobiq prezidenti Mishel Platini zamonamizning ikki yulduzi — Krishtianu Ronaldu va Lionel Messini o'zaro taqqosladi.

"Ronaldu bolalar uchun kumir hisoblanadi. "Yuventus"ning 80-yillardagi fanatlari uchun men shunday bo'lgan bo'lsam, mengacha Sivori shunday maqomda bo'lgan.

Ronaldu yoki Messi? Ularning har ikkisi daho futbolchilar hisoblanadi. Ular 15 yildan beri ajoyib o'yin ko'rsatishmoqda", – dedi Platini "La Gazzetta dello Sport" nashriga bergan intervyusida.

33 yoshli Messi joriy mavsumda "Barselona" safida barcha musobaqalar doirasida 21ta uchrashuvda 14ta gol urib, 6ta golga uzatma berdi. 35 yoshli Ronaldu esa 18ta bahsda 19ta gol va 2ta assist muallifiga aylandi.