Filipe Luis: «Simeone barcha futbolchilar bilan ham yaxshi munosabatda bo'lmaydi»

Braziliyaning «Flamengo» himoyachisi, «Atletiko» klubining sobiq futbolchisi Filipe Luis madridliklar bosh murabbiyi Diego Simeone haqida fikr bildirdi.

«Har bir mashg'ulotda u maksimal ishlash kerakligini talab qilardi, u har doim hammadan shuni talab qilardi. Ammo futbolchilar bilan yaxshi gaplashmasdi. U bilan shunchaki suhbatlashish osonmas.

Simeone uchun futbolchilarning shaxsiy fazilatlarini tushunish qiyin, lekin vaqt o'tgach u mag'rurlik qilishni boshlaydi.

U ba'zi futbolchilar bilan do'stoni munosabatda bo'lardi, boshqalar bilan esa qat'iy professionallik. U hamma bilan yaxshi munosabatda bo'lgan o'xshaydi, lekin aslida unday emas.

U qilgan ishiga ishonadi va maydondagi 11 nafar futbolchi bor kuchi bilan mehnat qilishi kerak.

U o'yin taktikasini o'zgartirish va raqib o'yiniga moslashishni biladi. Ba'zida biz to'pga ko'proq egalik qilishimiz kerak deb o'ylardim, ammo nima deyishim mumkin?

Simeone «Atletiko» uchun eng yaxshi murabbiy», – dedi himoyachi O Jogo bilan suhbatda.