«Lokomotiv»ning portugaliyalik bosh murabbiyining O'zbekiston haqidagi fikrlari

«Lokomotiv» bosh murabbiyi Mikael Sekeyraning nonushta mahalidagi suhbatidan:

“Kecha onam bilan telefon orqali suhbatlashdim. Ancha ko'nikib qoldingmi bolam, qanday yurtlar ekan? deb so'radilar. Men ularga hammasi joyida ekanini aytib, menga O'zbekiston juda yoqqanini shunchalar berilib gapirdimki, havaslari kelib eshitib turdilar...

Bu erga kelishimdan biroz avval o'rtog'im bilan uchrashib qoldim. U mendan qaerga otlanayotganimni so'radi. O'zbekiston klubidan taklif tushganini aytganimda, aslida tarixchi do'stim bu mamlakatda bo'lganini, ajoyib yurt va mehmondo'st xalq ekanini iliq taassurotlar-la so'zlab berdi; sovg'a qilingan milliy kiyimingiz (chopon) bilan tushgan rasmini ham ko'rsatdi. Mana, yurtingizni o'z ko'zim bilan ko'rib, o'rtog'imning so'zlari rost ekaniga ishonch hosil qildim. Portugaliyaliklar yurtingiz haqida deyarli eshitishmagan. Bilishganida, ishoning, juda ko'pchiligi sayohat uchun shu erni tanlashardi. Bu fikrimni vatandosh do'stlarimga ham aytib bo'ldim; rosa qiziqib qolishdi...”.