Pol Pogba: «Eng zo'ri bo'lishni xohlasang, eng zo'rini mag'lub etishing kerak»

“Manchester Yunayted”ning o'zgacha xarakterli futbolchilaridan biri Pol Pogba ham «Liverpul»ga qarshi kechadigan uchrashuv oldidan o'z fikrlarini bildirib o'tdi.

“Albatta yuta olamiz. Boshqacharoq qilib aytadigan bo'lsam, bor diqqatimizni yutishga qaratganmiz. Hozirda biz mag'lub qila oladigan ko'plab jamoalar bor. Biz hali maqsadimizga erishmadik. Hali ham uzoq yo'lda davom etyapmiz. Miyamizga muhrlab olgan narsamiz shu.

Barchamiz qo'shnilarimizni yaxshi taniymiz. «Liverpul» har doim qiyin o'yin namoyish etadi. Ular o'tgan mavsum chempionlari hisoblanishadi. Eng zo'ri bo'lishni istasang, eng zo'rini mag'lubiyatga uchratishing kerak. Agar o'sishni xohlasang va unga intilsang, natija o'z-o'zidan yaxshilanaveradi.

Mersisaydliklar 5 yildan beri ajoyib natijalarga erishib kelayotganini bilasiz. Biz ertangi raqibimiz darajasini va qanday o'yin namoyish qilishini bilamiz. Ochiq aytadigan bo'lsam, Premer-liga chempionini mag'lub etish uchun xarakter namoyish etishing shart”, - deya so'zlarini yakunladi Pogba.