Koronavirus sabab Frantsiya chempionatining bitta bahsi noma'lum muddatga qoldirildi

Frantsiya chempiontining 20-turidan o'rin olgan «Loryan» hamda «Dijon» jamoalari o'rtasidagi uchrashuv bekor qilindi.

Musobaqa matbuot xizmatining yozishiga qaraganda, ushbu bahs 17 yanvar kuni o'tkazilishi kerak edi, biroq, mezbonlar tarkibida koronavirusga chalinganlar soni ko'payib ketgani uchun uchrashuv noma'lum muddatga qoldirildi. «Loryan» jamoasining o'n nafardan ortiq futbolchisi Covid-19 uchun topshirgan test natijalari musbat ko'rinish bergan.