Mourino: «Beyl zahira o'rindig'ida o'zini baxtli his qiladi deb o'ylamayman»

Londonning «Tottenxem» klubi bosh murabbiyi Joze Mourino jamoa yarim himoyachisi Garet Beyl haqida fikr bildirdi. Hozircha uelslik futbolchi o'zining yaxshi jihatlarini namoyish qila olmayapti. Mourino esa Beylga yana bir marta imkoniyat berishga harakat qilmoqda.

«Inson sifatida u haqiqatdan ham yaxshi bola. Bu davrda u «Tottenxem» muxlislari uni eslayotgan darajaga chiqa olmaganligining sabablarini aytib o'tish qiyin.

Agar Garet shu erda bo'lganida edi, biz bu haqda ozgina gaplashishimiz mumkin edi, lekin bu mening o'zimga ham noqulay bo'lmoqda. U zahira o'rindig'ida o'tirganida o'zini baxtli his qiladi deb o'ylamayman. So'nggi ikki mavsumda unga Madridda oson bo'lmaganini o'zingiz ko'rdingiz. Shunday ekan, keling, qadamma-qadam undan maksimal darajada foydalanishga harakat qilamiz», - dedi Mourino.