OFK 2021 yilgi U19 va U16 Osiyo chempionatlarini bekor qildi

Osiyo futbol konfederatsiyasi 2020 yilda bo'lib o'tishi kerak bo'lgan, ammo 2021 yilga ko'chirilgan o'smirlar va yoshlar o'rtasidagi Osiyo chempionatlarini bekor qildi.

Xabaringiz bor, U16 chempionatiga Bahrayn, U16 turniriga O'zbekiston mezbonlik qilishi kerak edi. Ushbu mamlakatlarning mezbonligi 2023 yilda bo'ladigan qit'a chempionatlariga ko'chirildi.

Demak, O'zbekiston ikki yildan keyin o'tkaziladigan yoshlar o'rtasidagi Osiyo chempionatiga mezbonlik qiladi.

Eslatib o'tamiz, avvalroq FIFA yoshlar va o'smirlar o'rtasidagi jahon chempionatlarini bekor qilgan edi.