Bektemir Meliqo'ziev va Sergey Kovalyov o'rtasidagi jang bekor qilinishi mumkin. Rossiyalik bokschidan doping topildi
/ Kiritdi: BestMaster Ko'rilgan: 217
Professional boksning super o'rta vazn (-76,2 kg) toifasida ringga chiqayotgan Bektemir Meliqo'ziev (6-0, 5 KO) va yarim og'ir vazn toifasida WBA Super, IBF, WBO chempionlik kamarlarining sobiq sohibi Sergey Kovalyov (34-4-1, 29 KO) o'rtasidagi jang bekor qilinishi mumkin.
BoxingScene’ning xabar qilishicha, rossiyalik bokschining qon tahlillaridan taqiqlangan modda topilgan. Bu 30 yanvar kuniga belgilangan jangning bekor qilinishiga olib kelishi mumkin. Hozircha jangning bekor bo'lish yoki bo'lmasligi haqida rasmiy ma'lumot berilmadi.
Ta'kidlanishicha, Kovalyovning 30 dekabr kungi mashg'ulotlardan keyingi tahlillarida sintetik testosteron moddasi topilgan.
Meliqo'ziev bu xabarlarga o'z Twitter’i orqali munosabat bildirdi.
«Ko'p gapirishni yomon ko'raman, buni avval ham aytganman — menga buning farqi yo'q. Keling, hech narsaga qaramay jangni tashkillashtiramiz», — deya yozadi Meliqo'ziev.
Avvalroq Kovalyov va Meliqo'ziev o'rtasidagi jang Rossiyada emas, AQShda bo'lib o'tishi haqida xabar qilingandi.
Manba: Daryo.uz
Bosh sahifaga
426